【簡介】 　　葉老師是小說家，mā是文學評論家，伊收藏規厝間ê臺灣文學作品kah資料。阿文kah阿學有機緣佇葉老師𤧅兜熟似，佇隨人teh掀看藏書ê中間，兩人suah對啥物是「臺灣文學」起爭論。葉老師就決定kā𤧅講起臺灣作家ê故事，透過紹介濟濟佇文學舞臺頂ê人物，也沓沓kā臺灣文學ê簡史鋪排出來。葉老師講，臺灣文學史就親像1台時光機，予咱轉去kàu無仝時代，會得用每1个作家ê目睭去體驗無仝觀點ê世界……。 　　這是1本寫予臺灣少年人ê臺灣文學故事，適合12-16歲ê少年囡仔，想欲認捌臺灣文學ê讀者mā攏會當來讀。本冊邀請6位有臺灣文學專業抑是對文史轉譯有專長ê作者共同寫作，內頁ê插圖mā邀請逐个所知ê bàng-gà畫家蠢羊來創作，閣也kā部分ê文學作家ê故事以bàng-gà ê形式來呈現。讀者會當kā葉老師、阿文kah阿學這3位主角ê討論當做入門，透過這33个文學史故事、5大單元，來掌握臺灣文學kàu-tann所粒積ê豐沛成果。 【目錄】 14 前 導 島嶼時光機，起行！ 20 第一章    Tuì 祖靈來 ê 聲音 原住民族 ê 口傳文學 22 遐 ê tuì「古早古早」開始講 ê 故事…… 28 原住民族 ê 口傳神話 文學毋但孤文字這款載體 34 第二章    漢字初體驗 明清時期漢人書面文學 ê 徙栽 kah 釘根（約略 1662 − 1895） 36  17世紀 ê 臺灣大冒險：郁永河 ê 採硫旅途 40 沈光文  漂流來臺灣，成做頭一个漢人 ê 書面文學作家 文學小錦囊 清國時代初期 ê 遊宦文人 44 鄭用錫  臺灣本地進士 kah 園林文學 ê 開基 46 陳肇興  Tī 教學途中訪龍目井，寫出臺灣 ê 社會民情 48 丘逢甲  乙未割臺 ê 歷史經驗 kah 文學 52 第三章    自由花蕊正萌芽 日本時代新舊思潮 ê 相激（1895-1945 前後） 54 進出（tsìn-tshut）日本文壇！銀行員龍瑛宗 ê 文學夢 60 洪棄生  毋願順趁新政權 ê 遺民心聲 64 張李德和  雲林女子登校記 文學小錦囊 日本時代 ê 女性作家 70 賴和  Tī行醫濟世 ê 中間，實驗白話小說 ê 寫作 文學小錦囊 新文學發穎 kah 重要 ê 路站碑 78 蔡培火  三工學會曉白話字，kōo 一本散文實踐台語 ê 寫作 82 黃石輝  Kōo 臺灣話寫鄉土文學 ê 主張 86 王白淵  旅日青年辦藝文刊物來掩護左翼 ê 連攜 90 張深切  全島作家大結盟 ê 故事 92 郭水潭 vs 楊熾昌  現實搪著超現實，南臺灣 ê 文藝思潮仙拚仙 96 楊逵  臺灣作家頭擺 tī 日本文壇徛起 98 徐坤泉  轉任編輯《風月報》，行向大眾閱讀 ê 時代潮流 102 呂赫若  Tī 戰爭期 ê 多元藝術追求 kah 文壇活動 106 西川滿 vs 張文環  二戰後期臺灣文壇 ê 兩大陣營 110 第四章    聽候天光 Tuì 政治禁制到回轉 (huê-tńg) 現實（1945 − 1980） 112 倒 tī 血池裡 ê 筆耕者：鍾理和 ê 坎坷文學路 116 姜貴  自費出版《旋風》，成做反共文學 ê 代表性作品 文學小錦囊 反共文藝 ê 組織 kah 機制 122 紀弦  提出六大信條，引起現代詩論戰 124 林海音  伊 ê 客廳就是半个文壇 128 鍾肇政  省籍作家油印《文友通訊》，起造文學友誼 132 白先勇  Kah 同窗辦《現代文學》，tī 試驗中搜揣現代主義文學 文學小錦囊 1960 年代 ê 文藝雜誌 136 王禎和  以現代主義 ê 滋養來描寫鄉土 ê 小說家 138 林亨泰  參與發起笠詩社，迒語言詩人 tuì 現代行向寫實 文學小錦囊 迒語言世代 ê 作家 142 黃春明  規劃翕出《寶島芬芳》， 鄉土文學思潮 kah 影視產業 ê 迒領域經驗 146 姚一葦  Tuì 美國回國了後，創作《一口箱子》 150 李喬  以大河小說重新起造臺灣歷史 kah 客家文化 152 第五章    文學重開機 解嚴前後 ê 眾聲喧嘩 (Tsiòng-siann Suan-hua)（1980 − ） 154 受壓制 ê 偏邊之聲：Tuì 李昂 ê 〈殺夫〉講起 160 劉克襄  Tī 測天島發見烏鷺 ê 死體， 臺灣社會 kah 自然生態書寫 ê 初會 文學小錦囊 吳明益 kah 自然書寫 164 葉石濤  迒過語言閣再起程，重新起造臺灣文學史 文學小錦囊 「臺灣文學史」kah「台語文學史」ê 歷史 170 Syaman Rapongan（夏曼・藍波安） 轉去紅頭嶼，用書寫 kah 行動 kā 族群認同揣轉來 文學小錦囊 《山海雜誌》kah 原運世代 176 邱妙津  絕望中寫出 ê 同志 ê 愛，寫作予性命得著敨放 180 夏宇  耍文字接鬥急智詩篇，後現代色緻 ê 實驗性寫作 184 瓊瑤  《還珠格格》電視劇播出，愛情小說予無仝世代盯目 tī 螢幕頂 188 終 章    關係臺灣文學， 猶有足濟講袂透機 ê 故事 192 參考資料 200 本書作者簡介   看更多